SOYA URUG‘LARIDAN OLINGAN SOYA SUTI VA TOFU MAHSULOTLARINING FIZIK-KIMYOVIY VA ORGANOLEPTIK KO‘RSATKICHLARINI QIYOSIY BAHOLASH

Annotatsiya

Ushbu tadqiqotda soya urug‘laridan olingan soya suti va tofu mahsulotlarining fizik-kimyoviy, teksturaviy hamda organoleptik ko‘rsatkichlari qiyosiy baholandi. Tadqiqot ob’ekti sifatida Ilhom-6 va Fora soya navlari tanlandi va 2023-2025 yillar ma’lumotlari asosida tahlil amalga oshirildi. Natijalarga ko‘ra, Ilhom-6 navida oqsil miqdori, zichlik va tekstura ko‘rsatkichlari yuqoriroq bo‘lib, mahsulot sifati jihatidan ustunligi aniqlandi. Fora navida namlik ko‘rsatkichi yuqoriroq bo‘lgan bo‘lsa-da, bu umumiy sifat ustunligini ta’minlamadi. Olingan natijalar soya navlarining mahsulot sifatiga ta’sirini ilmiy jihatdan asoslab berdi.