MIRZACHO‘L VOHASI TUPROQLARINING GRANULOMETRIK VA MIKROAGREGAT TARKIBI

Annotatsiya

Ushbu Maqolada Sirdaryo viloyati Boyovut, Oqoltin, Sirdaryo va Mirzaobod tumanlari hududida tarqalgan sug‘oriladigan bo‘z-o‘tloqi va o‘tloqi tuproqlarning granulometrik va mikroagregat tarkibi o‘rganilgan. Tadqiqotlar natijasida ushbu tuproqlarda yirik chang zarrachalariga nisbatan mayda qumli zarrachalar miqdori birmuncha yuqori ekanligi aniqlangan. Ushbu hududlarda il miqdori ham ko‘p emas (1-19,5 %). granulometrik tarkibiga ko‘ra og‘ir qumoqli sug‘oriladigan bo‘z-o‘tloqi va o‘tloqi tuproqlarda fizik loy miqdori ko‘p, ayniqsa yuqori qatlamlarda aniq sezilarli darajada ekanligi yaqqol kuzatildi.