MIKROKOʻKATLARNING OZUQAVIY QIYMATI VA YETISHTIRISH TEXNOLOGIYASI

Annotatsiya

Ushbu maqolada mikroko‘katlar yetishtirishning biologik, agrotexnik va ekologik asoslari ilmiy nuqtai nazardan tahlil qilingan. Mikroko‘katlarning o‘sish va rivojlanish bosqichlari, ularning ozuqaviy va biologik faolligi, vitaminlar, mineral moddalar hamda antioksidantlarga boyligi yoritib berilgan. Shuningdek, yetishtirish jarayonida urug‘ tanlash, substrat turlari, suv va mineral moddalar bilan ta’minlash, yorug‘lik spektri, harorat va namlikning optimal ko‘rsatkichlari ilmiy asosda bayon etilgan. Maqolada mikroko‘katlar yetishtirishda uchraydigan asosiy kasalliklar va zararkunandalar, ularning oldini olish usullari, mahsulot sifatini saqlash va yig‘ib olish texnologiyalari ham ko‘rib chiqilgan.