BO‘RDOQILINAYOTGAN QO‘ZILARNING FITOBIOTIK TA’SIRIDA TIRIK VAZN DINAMIKASI VA ULARNING TEZ YETILUVCHANLIGI

Annotatsiya

Ushbu maqolada bo‘rdoqilinayotgan qo‘zilarning tirik vazn dinamikasi va tez yetiluvchanligiga fitobiotik qo‘shimcha – “ФИТОС” preparatining ta’siri o‘rganildi. Tadqiqotda qo‘zilar 3 guruhga ajratilib, nazorat guruhiga nisbatan tajriba guruhlariga 5 g va 10 g miqdorda fitobiotik qo‘shib berildi. Natijalar shuni ko‘rsatdiki, “ФИТОС” qo‘llanilishi qo‘zilarning mutloq va o‘rtacha sutkalik o‘sishini sezilarli darajada oshiradi, ozuqa moddalari hazmlanishini yaxshilaydi hamda tez yetiluvchanligini ta’minlaydi. Eng yuqori samaradorlik 5 g/bosh/kunda dozada kuzatildi. Shuningdek, tirik vazn o‘sish ko‘rsatkichlarining barqarorligi va guruh ichidagi individual farqlarning kamaygani aniqlanib, fitobiotiklardan foydalanishning ilmiy va amaliy ahamiyati asoslandi.