ДАЛА АТРОФИ ФИТОСАНИТАР ҲОЛАТИНИНГ БУҒДОЙ ЗАРАРКУНАНДАЛАРИ ЗИЧЛИГИГА ТАЪСИРИ

Annotatsiya

Ушбу мақолада зараркунандаларнинг қишловдан чиқиб кўпайиши “ўчоғи” ҳисобланадиган дала атрофи маконларида уларнинг зичлиги ва буғдойзорларда ривожланишини ўрганиш бўйича олиб борилган кузатишлар натижалари келтирилган. Кузатувлар натижасида дала атрофи бегона ўтларда ривожланаётган шира, трипс, зарарли хасва каби сўрувчи ҳашаротларнинг кўпайиши ҳамда тарқалиши давомийлиги март ойи охиридан токи май ойи охиригача давом этиши ва майдон бирлигида иқтисодий зарар миқдор мезони (ИЗММ) кўрсаткичлари бир неча баробардан токи бир неча ўн мартага кўп бўлиши аниқланди.