OQBOSH KARAMNING O‘SISHI VA RIVOJLANISHIGA TURLI FOSFORLI O‘G‘ITLARNING TA’SIRI

Annotatsiya

Ushbu maqolada Samarqand viloyati tipik bo‘z tuproqlar sharoitida oqbosh karam yetishtirishda turli fosforli o‘g‘itlarning samaradorligi o‘rganilgan. N180K90 fonida turli fosforli o‘g‘itlar qo‘llanilganda oqbosh karamning o‘sishi va rivojlanishi yaxshilangan. O‘simlik bo‘yi nazorat variantiga nisbatan 2,0-3,4 sm baland, karam bosh massasi esa 0,74-0,78 kg og‘irroq bo‘lgan. Turli fosforli o‘g‘itlar qo‘llash karambosh hosili tuzilishiga ham ijobiy ta’sir ko‘rsatgan. Ushbu tuproqlar sharoitida ammofos o‘g‘iti o‘rniga PS-agro o‘g‘itini qo‘llash samaraliroq ekanligi keltirilgan.