O`simlikshunoslik fanidan “Pomidor o`simligi” mavzusini o`rganishda “klaster” metodidan foydalanish

Abstract

O`zbekistonda sabzavot ekinlari ichida pomidor eng ko`p ekiladi. Pomidor mevalarining keng miqyosida ishlatilishi, ularning yuqori ozuqaviy qiymati bilan belgilanadi. Mevalari yangiligicha yoki qayta ishlangan holda iste’mol qilinadi. Ulardan turli sharbatlar va mahsulotlar tayyorlanadi. Pomidor mevalari yuqori parhezboblik va shifobaxshlik xususiyatlariga ham ega. Pomidor mevalarini kundalik ratsionda iste`mol qilish odam organizmiga ijobiy ta’sir ko`rsatadi. O`zbekistonda pomidor ekini jami sabzavotlar yetishtiriladigan maydonning 45% dan ortig`ini egallaydi. Mamlakatimiz yangi uzilgan pomidor mevalarini va katta hajmdagi qayta ishlangan pomidor mahsulotlarni xorijga eksport qiladi.