Бодрингнинг гетерозис дурагайларини ёпиқ грунтда етиштиришнинг аҳамияти

Аннотация

Микроиқлимни яратиш билан боғлиқ харажатларни келтириб чиқарадиган ёпиқ грунт шароити рентабелликни ошириш имконини берадиган омилларни излашни талаб этади. Ёпиқ грунтда бодрингнинг гетерозис дурагайларини етиштириш ҳосилдорликни ва шу билан бирга рентабелликни ошириш имконини берувчи асосий омиллардан бири бўлиб ҳисобланади. Калит сўзлар: Сабзавотчилик, ёпиқ грунт, гетерозис дурагай, ҳосилдорлик, маҳсулдорлик, рентабеллик, танлаш. Аннотация. Условия закрытого грунта, обуславливающие затраты связанные с созданием микроклимата, требуют поиска факторов, позволяющих повысить рентабельность. Выращивание гетерозисных гибридов огурца в закрытом грунте является одним из основных факторов, позволяющих повысить урожайность и рентабельность.

Ключевые слова: Овощеводство, закрытый грунт, гетерозисный гибрид, продуктивность, урожайность

Abstract

Closed ground conditions, which determine the costs associated with creating a microclimate, require a search for factors that can increase profitability. Growing heterotic cucumber hybrids in greenhouses is one of the main factors for increasing productivity and profitability. Keywords: Vegetable growing, closed ground, heterotic hybrid, productivity, yield, profitability, selection. УЎТ: 635.63+631.52+631.54+631.51 Кириш. Ёпиқ грунтда сабзавот экинларини етиштиришда очиқ грунтдагига қараганда кўпроқ сарф-харажат талаб эти- лади. Бу асосан, шу грунтда ўсимлик учун мақбул шароитни яратиш билан боғлиқ харажатлардир. Ёпиқ грунтда гетерозис дурагайларни етиштириш ҳосилдорликни ва шу билан бирга рентабелликни оши- риш имконини берувчи асосий омиллардан бири бўлиб ҳисобланади. Ўсимликларда гетерозисдан фойдаланиш ўсимликлар махсулдорлигини оширишнинг мухим усулидир. Гетерозис дурагайларнинг ҳосилдорлиги оддий дурагайлар ҳосилдорлигига қараганда 15 – 30 % баъзан 50% юқори бўлади. Иссиқхона сабзавотчилиги амалиётида кўп мамлакатларда бодринг ва помидорнинг асосан гетерозис дурагайларидан фойдаланилади. Гетерозис кўпинча ўсимлик ўлчамининг ўсишида, баъзан эса унинг айрим қисмлари, яъни барги, гултўплами, меваси, поя қалинлигида, биологик томондан эса гетерозис ўсимлик ўсишининг тезлашиши ва ота-она шаклларига нисбатан тез- пишарлигида намоён бўлади. Баъзи ҳолатларда физиологик белгиларнинг ўзгариши кузатилади, яъни қишга ва вирус, замбуруғ, бактериал касалликларга чидамлилиги ошади. Мевада қуруқ модда миқдори ва хушбўйликнинг ошиши кузатилади.