Д.АЗНАБАКИЕВА, Б.ҲАСАНОВ. Ўзбекистонда ва дунёда ширин ҳамда аччиқ қалампирнинг уруғпалла ва майсалари чириши касаллиги, унга қарши кураш чоралари

Аннотация

Ҳозирги даврда Ўзбекистонда ширин ва аччиқ қалампир етиштиришга алоҳида аҳамият қаратилмоқда. Бу экинларнинг юқори ва сифатли мева ҳосилини мунтазам етиштиришга тўсқинлик қиладиган асосий факторлардан уруғпалла ва кўчатлар ётиб қолиши, чириши ва нобуд бўлиши касаллиги дунёда кўп учрайди. Бу касалликни асосан фитопатоген замбуруғлардан Fusarium oxysporum, Fusarium туркумининг баъзи бошқа вакиллари ва Rhizoctonia solani, оомицетлардан Pythium туркуми турлари қўзғатади. Бошқа, кам сонли замбуруғ турлари қалампир кўчатларини фақат айрим мамлакатлар ёки уларнинг минтақаларида зарарлаши хабар қилинган. Мақолада қалампир уруғпаллалари ва ёш кўчатларини зарарлайдиган ушбу фитопатогенларнинг географик тарқалиши, улар қўзғатадиган касалликнинг белгилари, ривожланиши ва касалликка қарши кураш чоралари батафсил баён этилган. Калит сўзлар: Capsicum, қалампир, касаллик, уруғпалла ва кўчат чириши, Rhizoctonia solani, Fusarium oxysporum, Botrytis cinerea, кураш чоралари. УЎТ: 635.649: 582.951.4: 581.2: 582.26: 632.4