MOYLI ZIG‘IR NAVLARINI EKISH MUDDATLARI VA EKISH ME’YORLARINING O‘SIMLIK BO‘YI BALANDLIGI VA BARG SONIGA TA’SIRI

Abstract

Maqolada moyli zig‘ir (Linum usitatissimum L.) o‘simligining Bahorikor va Lalmikor navlarini turli muddatlarda (01-10 mart, 11-20 mart va 21–30 mart) hamda turli ekish me’yorlarida (3,5; 4,0 va 4,5 mln dona/ga) ekish sharoitida o‘simlik bo‘yi balandligi va barg sonining o‘sish-rivojlanish bosqichlari (archalash, g‘unchalash, gullash, ko‘k pishish) bo‘yicha o‘zgarishi tahlil qilingan. G‘allaorol tumani sharoitida 2024-yilda o‘tkazilgan tajriba natijalari shuni ko‘rsatdiki, har ikkala nav uchun ham 11-20 mart muddatida, 4,0 mln dona/ga me’yorida ekilgan variantlar eng yuqori, o‘simlik bo‘yi va barg soni ko‘rsatkichlariga erishdi. Lalmikor navi barcha bosqichlarda bahorikor naviga nisbatan biroz yuqori natija ko‘rsatdi. Ekish me’yorining 4,5 mln dona/ga gacha oshirilishi, aksincha, o‘simlik bo‘yi va barg sonining pasayishiga olib keldi, bu esa o‘simliklar orasidagi raqobatning kuchayishi bilan izohlanadi.