TOKNING MILDYU KASALLIGINI TARQALISHI VA KELTIRADIGAN ZARARI

Abstract

Maqolada 2019-2021 yillarda Respublikamizning Toshkent, Samarqand va Farg‘ona viloyatlari tokzorlarida mildyu kasalligini tarqalishi va keltiradigan zarari bo‘yicha tadqiqotlar olib borilgan. Tadqiqot natijalariga ko‘ra, tokning mildyu kasalligi Toshkent, Samarqand va Farg‘ona viloyatlari tokzorlarida keng tarqalganligi va ob-havo sharoiti qulay kelgan yillari tokzorlarga jiddiy darajada zarar yetkazishi aniqlangan. Jumladan: Toshkent viloyati tokzorlarida mildyu bilan kasallanish barglarda 18,0% dan 45,0% gacha, novdalarda 10,2% dan 18,4% gacha va uzum boshlarida 14,3 % dan 38,8% gachani, Samarqand viloyatida kasallanish barglarda 12,6% dan 32,6% gacha, novdalarda 10,6% dan 15,8% gacha va uzum boshlarida 14,5% dan 28,8% gachani va Farg‘ona viloyatida kasallanish barglarda 15,8% dan 51,1% gacha, novdalarda 13,8% dan 21,8% gacha va uzum boshlarida 14,6% dan 48,2% gacha tashkil etgan.