ТАКРОРИЙ ЭКИНЛАРНИ ЗОВУР СУВЛАРИ БИЛАН СУҒОРИШДА БИОПРЕПАРАТЛАРНИНГ САМАРАДОРЛИГИНИ БАҲОЛАШ

Abstract

Бухоро воҳасининг ўтлоқи аллювиал, ўртача даражада шўрланган, механик таркибига кўра ўрта қумоқ, сизот сувлари сатҳи 2,0-2,5 метр, минерализацияси 2,5-3,0 г/л бўлган тупроқлар шароитида такрорий экинлар уруғларини экиш олдидан Нанокремний 300 гр/т, Aminosid universal si 0,8-1,0 л/т миқдоридаги биопрепаратлар билан ишлов берилиб, такрорий экинларни биринчи ва иккинчи суғоришлар олдидан Нанокремний 100 гр/га, Aminosid universal si 5,0 л/га меъёрларда биопрепаратлар қўлланилганда такрорий тариқнинг ўсиб ривожланишига ижобий таъсир этиб, бўйи 103-99 см, битта рўвакдаги дон оғирлиги 1,6-1,4 гр, 1000 дона дон вазни 6,2-5,6 гр, ҳосилдорлик эса 30,7-29,0 ц/га ҳосил олингани аниқланган. Такрорий кунгабоқар экинини бўйи 143,9-142,4 см, битта саватчадаги дон оғирлиги 51,6-49,9 гр, 1000 дона дон вазни 75,4-74,0 гр, ҳосилдорлик 28,7-26,8 ц/га ҳосил олингани аниқланган.

Keywords: нанокремний, Aminosid universal si, биопрепарат, тариқ, кунгабоқар, ўсимлик бўйи, рўвак, саватча, ҳосилдорлик