KONIMEX TUMANI YER MAYDONLARINING OZUQA MODDALARI BILAN TAʻMINLANISH DARAJASI

Annotatsiya

<p>Tadqiqotda Konimex tumani sug’oriladigan qishloq xo’jaligi yer maydoni tuproqlarining ozuqa moddalari bilan ta’minlanganlik darajasi o’rganilgan. Tadqiqot natijalari hudud turoqlarining ozuqa moddalari bilan o’rtachapast darajada ta’minlanganligini ko’rsatdi: tuproqning gumus miqdori ko’rsatkichi umumiy 5055,90 gektar maydonning 37,35 % qismi o’rtacha darajada, 28,18 % qismi kam darajada, 26,66 % qismi ko’proq darajada hamda 7,50 %, 0,21 % va 0,09 % qismi mos ravishda ko’p, juda kam va yuqori darajada ta’minlangan. Harakatchan fosfor (P2O5) miqdori ko’rsatkichlari esa 65,32 % qismi kam darajada 19,41 % qismi juda kam darajada hamda 9,47 %, 4,26 % va 1,55 % qismi mos ravishda o’rtacha, ko’p va ko’proq darajada ta’minlangan. Shuningdek, almashinuchan kaliy (K2O) miqdori ko’rsatkichlari ham 41,23 % qismi kam darajada, 34,13 % qismi o’rtacha darajada hamda 16,63 % va 8,01 % qismi mos ravishda ko’proq va ko’p darajada ta’minlangan. Olingan natijalar asosida tuproq unumdorligini oshirish maqsadida mineral va organik o’g’itlardan oqilona foydalanish, agrotexnik tadbirlarni to’g’ri tashkil etish bo’yicha ilmiy tavsiyalar ishlab chiqilgan. Tadqiqot natijalari qishloq xo’jaligi ekinlaridan yuqori hosil olish, tuproq degradatsiyasining oldini olish hamda yer resurslaridan samarali foydalanishda muhim ahamiyat kasb etadi.</p>