POMIDOR ILDIZIDAN ENDOFIT BAKTERIYALARNI AJRATISH, ANIQLASH VA ULARNING FUSARIUM PATOGENLARIGA QARSHI ANTOGONISTIK FAOLLIGINI O’RGANISH

Abstract

Ushbu tadqiqotda endofit bakteriyalar pomidor o'simlik ildiz to'qimalaridan ajratib olindi va ularning pathogen zamburug’lar (Fusarium solani, Fusarium oxysporum)ga qarshi antagonistik faolligi tekshirildi. Ajratilgan bakterial shtammlar tozalandi va MALDI-TOF MS (matrix-assisted laser desorption/ionization time-of-flight mass spectrometry) yordamida aniqlandi. Fusarium solani va Fusarium oxysporumga qarshi antagonistik faollik laboratoriya sharoitida ikki tomonlama kultura (“dual culture”) usuli yordamida baholandi. Bir nechta izolatlar ikkala zamburug'li patogenlarning o'sishiga sezilarli ingibitiv ta'sir ko'rsatdi, bu ularning biologik nazorat agenti sifatidagi salohiyatini ko'rsatadi. Ushbu endofit bakteriyalar barqaror pomidor ishlab chiqarish uchun biofungitsidlarni ishlab chiqishda istiqbolli nomzodlar bo'lib xizmat qilishi mumkinligini ko'rsatadi.