SOYA EKIN MAYDONLARIDA UCHRAYDIGAN O‘RGIMCHAK KANAGA QARSHI KIMYOVIY PREPARATLAR QO‘LLASH SAMARADORLIGI

Abstract

Mazkur maqolada soya (Glycine max L.) ekinlarida uchraydigan asosiy zararkunandalardan biri bo‘lgan o‘rgimchak kanaga qarshi kimyoviy preparatlarni qo‘llash samaradorligi o‘rganildi. Tadqiqotlar dala sharoitida olib borilib, soya o‘simligida zararkunanda kanalarning tarqalish darajasi va ularga qarshi qo‘llanilgan preparatlarning ta’siri tahlil qilindi. Olingan natijalarga ko‘ra, kimyoviy preparatlarni o‘z vaqtida va tavsiya etilgan me’yorlarda qo‘llash o‘rgimchak kanalar sonini kamaytirish hamda soya o‘simligining o‘sishi va hosildorligini oshirishga ijobiy ta’sir ko‘rsatishi aniqlandi. Shuningdek, zararkunandalarga qarshi kurash choralarini agrotexnik va boshqa himoya usullari bilan uyg‘unlashtirish yuqori samara berishini ko‘rsatdi.